Վարկի տրամադրում հաշված վայրկյանների ընթացքում Արդշինբանկի Մոբայլ բանկինգ հավելվածի միջոցով | ardshinbank

Վարկի տրամադրում հաշված վայրկյանների ընթացքում Արդշինբանկի Մոբայլ բանկինգ հավելվածի միջոցով

Կատարելագործելով իր հեռահար սպասարկման ծառայությունները՝ Արդշինբանկն ընձեռում է հնարավորություն իր ֆիզիկական անձ հաճախորդներին ստանալ վարկ հաշված վայրկյանների ընթացքում՝ առանց Բանկ այցելելու: Հավելվածի միջոցով հնարավոր է դիմել մինչև 1,1 մլն ՀՀ դրամ սահմանաչափով և մինչև 10 տարի մարման ժամկետով անգրավ սպառողական վարկ ստանալու համար: Որոշման կայացման և վարկի տրամադրման գործընթացներն իրականացվում են ակնթարթորեն:

Արդշինբանկի Մոբայլ բանկինգ հավելվածի միջոցով հաճախորդներն իրականացնում են բանկային գործարքներ աշխարհի ցանկացած կետից 24/7 ռեժիմով: Հավելվածը թույլ է տալիս ընդամենը մի քանի քայլի միջոցով իրականացնել դրամական փոխանցումներ, վճարումներ, վարկերի մարումներ և ավանդների համալրում:

Հիշեցնենք, որ ստանդարտ բանկային գործարքներն իրականացնելուց բացի, հավելվածը հնարավորություն է տալիս օգտվել այնպիսի առավելություններից, ինչպիսին են արտարժույթի փոխարկումը արտոնյալ սակագներով, քարտի սահմանաչափերի փոփոխումը, քարտի բլոկավորում/ապաբլոկավորումը և շատ ավելին: Հավելվածը հեշտ և անվտանգ միջոց է կառավարելու սեփական հաշիվները և հետևելու ծախսերին:

Մոբայլ բանկինգ անվճար ծառայությունից օգտվելու համար անհրաժեշտ է Android կամ iOS օպերացիոն համակարգերով բեռնել «Արդշինբանկ»  հավելվածը և այցելել Բանկի 63 մասնաճյուղերից ցանկացածը՝ լրացնելու համապատասխան դիմումը:

 

Content for comparison

ԷՋԸ ԹԱՐՄԱՑՎԵԼ Է
Developed by Studio One