Բանկի պատմությունը | ardshinbank

Բանկի պատմությունը

1.  Բանկի մասին

Հիմնադրվել է 2002 թվականի դեկտեմբերին։ 2003 թվականի փետրվարին ստացել է բանկային գործունեության իրականացման լիցենզիա թիվ 83 (առ 25.02.03)։ Սկզբնապես բանկն անվանվել է «Արդշինինվեստբանկ» ՓԲԸ։ 2003 թվականին նաև ձեռք է բերել «Արդշինբանկ» ԲԲԸ և «Հայագրոբանկ» ՓԲԸ ակտիվների և պարտավորությունների զգալի մասը, դրանց մասնաճյուղային ցանցի հետ միասին։ 2014 թվականի նոյեմբերին բանկը վերանվանվել է «Արդշինբանկ» ՓԲԸ։ Ընդգրկված է Հայաստանի բանկային համակարգի լավագույն եռյակում։

Հանդիսանում է ունիվերսալ ֆինանսավարկային կազմակերպություն՝ առաջարկելով բանկային ծառայությունների ամբողջական շրջանակ։ Բանկի գործունեության առաջնային ուղղություններից է խոշոր կորպորատիվ հաճախորդների նախագծային ֆինանսավորումը, առաջին հերթին, Հայաստանի արդյունաբերության ռազմավարական ոլորտներում և էներգետիկ հատվածում, ինչպես նաև փոքր և միջին բիզնեսի վարկավորումը, պլաստիկ քարտերի թողարկումն ու սպասարկումը, էլեկտրոնային բանկինգը, միջազգային դրամական փոխանցումները։

Արդշինբանկը Հայաստանում միակ մասնավոր կառույցն է, որն ունի միջազգային երկու վարկանիշ՝ Moody’s և Fitch։

Բանկը հանդիսանում է արժեթղթերի շուկայի մասնակից՝ Հայաստանի Հանրապետության Կենտրոնական բանկի, Ֆինանսների և էկոնոմիկայի նախարարության և Արդշինինվեստբանկի միջև կնքված անժամկետ եռակողմ պայմանագրերի հիման վրա, ինչպես նաև պետական պարտատոմսերի շուկայի գործակալ։ Առաջինը Հայաստանի մասնավոր հատվածում թողարկեց 100 մլն ԱՄՆ դոլարի եվրոպարտատոմսեր (RegS/144A ֆորմատներով)։

Հանդիսանում է Հայաստանի բանկերի միության, Հայ-վրացական գործարար համագործակցության ասոցիացիայի, «Հայաստանի ֆոնդային բորսա» ԲԲԸ, ՀՀ Կենտրոնական դեպոզիտարիայի հաշվարկային համակարգի անդամ, MasterCard/Europay միջազգային վճարային համակարգի փոխկապակցված անդամ, VISA International միջազգային վճարային համակարգի լիիրավ անդամ, SWIFT Միջազգային ֆինանսական հեռահաղորդակցության համակարգի, «ArCa» պրոցեսինգային ընկերության լիիրավ անդամ և բաժնետեր։

Բանկն ունի ամենաընդլայնված մասնաճյուղային ցանցը երկրում՝ թվով 63 մասնաճյուղ Երևանում և Հայաստանի մարզերում և մեկ ներկայացուցչություն Փարիզում։

Աշխատողների թիվը 09.01.19թ․ դրությամբ՝ 1199։

2. Հիմնադիրներ և բաժնետերեր

Հիմնադիրներ՝ «Ռասկո-Արմենիա» ՓԲԸ, «Բիզնես ներդրումների կենտրոն» ՍՊԸ

Բաժնետերեր՝ «Արինս գրուպ» ՍՊԸ-ի (06.06.2017թ-ին «Բիզնես ներդրումների կենտրոն» ՍՊԸ-ն վերանվանվել է «Արինս գրուպ» ՍՊԸ-ի) միակ մասնակից` «ՌԵԳԻՈՆ» ֆինանսական արդյունաբերական կորպորացիա ՓԲԸ-ի 100% բաժնետոմսերի սեփականատեր` Կարեն Սուրենի Սաֆարյանը, «ՄԲՑ» ՓԲԸ, ֆիզիկական անձիք

3. Անդամակցություն և բաժնետիրություն

Հայաստանի բանկերի ասոցիացիայի, Հայ-վրացական գործարար համագործակցության ասոցիացիայի, «Արմենիան Քարդ» ՓԲԸ վճարային համակարգի, «Հայաստանի ֆոնդային բորսա» ԲԲԸ, Հայաստանի հիփոթեքային շուկայի մասնակիցների միության անդամ

MasterCard/Europay միջազգային վճարային համակարգի փոխկապակցված անդամ

VISA International միջազգային վճարային համակարգի լիիրավ անդամ

SWIFT համակարգի, «Արմենիան Քարդ» ՓԲԸ վճարային համակարգի

Բանկը հանդիսանում է ՀՀ Կենտրոնական դեպոզիտարիայի հաշվարկային համակարգի անդամ

4. Մասնակցություն վարկավորման ծրագրերում

Գերմանա-հայկական հիմնադրամի ծրագրեր․

 - Վերականգնվող էներգետիկայի զարգացման ծրագիր
 - Բնակարանային ֆինանսավորման շուկայի զարգացման ծրագիր
 - Փոքր և միջին մասնավոր ձեռնարկատիրության զարգացման ծրագիր

Գյուղատնտեսության զարգացման միջազգային հիմնադրամի ծրագրեր․

- Գյուղական շրջանների տնտեսական զարգացման ծրագիր
- Շուկայական (մարքեթինգային) հնարավորություններ ֆերմերների համար
- Գյուղատնտեսական բարեփոխումների աջակցության ծրագիր

Փոքր և միջին ձեռնարկատիրության աջակցության ազգային կենտրոնի ծրագիր

«Ջրից դեպի շուկա» Հազարամյակի մարտահրավեր հիմնադրամի ծրագիր
Տնտեսության կայունացման ծրագիր ՌԴ միջպետական վարկավորման շրջանակներում
Ազգային հիփոթեքային ընկերություն
OFID, CSOB, IFC, LANDESBANK, ATLANTIC FORFAITING, KBC, WBC

5. Պարգևներ

2005

Citigroup-ի որակի դիպլոմ՝ Citibank New York միջոցով իրականացված դոլարային վճարումների համար

2005/2006  

ՀՀ Ֆինանսների և էկոնոմիկայի նախարարության և Կենտրոնական բանկի ներքին պետական պարտքի կառավարման գծով լավագույն դիլերի դիպլոմ

2009

MoneyGram միջազգային դրամական փոխանցումների համակարգի վկայական՝ որպես Հայաստանի ամենավստահելի բանկ

2010

Citibank-ի մրցանակ՝ իրականացված դոլարային փոխանցումների բարձր որակի համար
Commerzbank-ի մրցանակ՝ իրականացված եվրոյով փոխանցումների բարձր որակի համար

2013

Միջազգային հեղինակավոր Global Finance ամսագրի կողմից ճանաչվել է «2013 թվականի ամենահուսալի բանկ» 
2014

Բրիտանական ամսագիր The Banker (The Banker Awards), «2014 թվականի բանկ» (Bank of the Year Awards).

2014

Միջազգային հեղինակավոր Global Finance ամսագրի կողմից ճանաչվել է «2014 թվականի ամենահուսալի բանկ» 

2015

Բրիտանական Euromoney ամսագրի կողմից ճանաչվել է «2015 թվականի լավագույն բանկ» 
2016

Վերակառուցման և Զարգացման Եվրոպական Բանկի կողմից Առևտրի խթանման ծրագրի շրջանակներում ճանաչվել է «2016 թվականի Ամենաակտիվ թողարկող բանկը Հայաստանում» 

2016

Միջազգային հեղինակավոր Global Finance ամսագրի կողմից ճանաչվել է «2016 թվականի ամենահուսալի բանկ» 

2017

Միջազգային հեղինակավոր Global Finance ամսագրի կողմից ճանաչվել է «2017 թվականի ամենահուսալի բանկ» 

2017

Միջազգային հեղինակավոր Global Finance ամսագրի կողմից ճանաչվել է «2017 թվականի արտարժութային գործառնություններ իրականացնող լավագույն բանկ» 

2018

«Thomson Reuters» ընկերության կողմից արժանացել է «Eikon Award 2018» մրցանակի՝ ճանաչվելով ընկերության «Eikon հարթակի ամենաակտիվ համագործակցող գործընկեր»

2018

Ասիական Զարգացման Բանկը (ԱԶԲ)–ի կողմից ներկայացված Momentum Award մրցանակի հաղթող, որպես Առևտրի ֆինանսավորման գործարքների ամենաբարձր աճի տեմպ ունեցող համագործակցող բանկ

2018

Միջազգային հեղինակավոր «Global Finance» միջազգային հեղինակավոր ամսագրի կողմից ճանաչվել է 2018 թվականի «Տարվա ամենահուսալի բանկ»

2018

Միջազգային հեղինակավոր «Global Finance» միջազգային հեղինակավոր ամսագրի կողմից ճանաչվել է 2018 թվականի տարվա լավագույն բանկը Հայաստանում

2018

«Financial Times» կազմակերպության «The Banker» ամսագրի կողմից ճանաչվել է Հայաստանի 2018 թվականի «Տարվա լավագույն բանկ»
2019

Գերմանական «Commerzbank»-ի կողմից արժանացել է Trade Finance AWARD 2018 մրցանակին

2019

Միջազգային հեղինակավոր Global Finance ամսագրի կողմից ճանաչվել է «2019 թվականի ամենահուսալի բանկ» 

6. Միաձուլում և կլանում

2016 թվականի հոկտեմբերի 7-ին «Ռեգիոն» Ֆինանսական Արդյունաբերական Կորպորացիան, որի միակ բաժնետերն է հանդիսանում հայտնի ռուսաստանյան գործարար, «Արդշինբանկ» ՓԲԸ վերջնական շահառու և Խորհրդի անդամ Կարեն Սաֆարյանը, ձեռք բերեց «Առէկսիմբանկ-Գազպրոմբանկի խումբ» ՓԲԸ 100% բաժնետոմսերը՝ վերջինիս միակ բաժնետեր ռուսաստանյան Գազպրոմբանկից, որից հետո Հայաստանի Հանրապետության օրենսդրության համաձայն սկսվեց Առէկսիմբանկի՝ Արդշինբանկին միացման գործընթացը։ Միացման արդյունքում ֆինանսական կառույցը դարձավ Հայաստանի խոշորագույն բանկը, այդ թվում՝ իր կապիտալով, ակտիվներով և մասնաճյուղային ցանցով, և ներկայումս հանդես է գալիս «Արդշինբանկ» ընդհանուր բրենդի ներքո։

 

 

Content for comparison

ԷՋԸ ԹԱՐՄԱՑՎԵԼ Է
Developed by Studio One